Tarata aıtsaq, jańa jumys oryndaryn ashý arqyly 13047 adam eńbek etý quqyna ıe bolmaq. «О́rleý» baǵdarlamasy aıasynda turmysy tómen otbasylardy qamtýǵa birinshi kezekte basymdyq berilgen. Osyǵan oraı270 áleýmettik kelisim-shart jasalyp, 1200 adam qatysýshyǵa nıet bildirgen. Adrestik áleýmettik kómek alýshylar arasynda eńbekke jaramdy turǵyndar úlesiniń 1,7 paıyzǵa kemigeni baıqalady. Endigi maqsat– kirisi ómir súrý deńgeıinen tómen toptaǵylardyń sanyn 15,1 myńǵa deıin azaıtý. Nátıjeli jumyspen qamtý jáne kásipkerlikti damytý baǵdarlamasyn júzege asyrýǵa respýblıkalyq qazynadan 4,5 mıllıard teńge bólingen. Shaǵyn nesıeleý mólsheri 2,5 esege artyp, 2,3 mıllıard teńge qarastyrylǵan.
«Bastaý bıznes» baǵdarlamasy da ómirsheńdigin kórsetip keledi. Onyń sheńberinde 920 adamdy kásipkerliktiń qyr-syryna úıretý belgilense, úshten biri qysqa merzimdi kýrstardy aıaqtap shyqqan.5 adam 11mıllıon jeńildikti qarajatqa qol jetkizgen. Tutastaı alǵanda, jumyssyzdar men ózin-ózi jumyspen qamtamasyz etetin sanattaǵylardan alty myńnan astam qatysýshyǵa memlekettik baǵdarlamalardyń jeńildikti qyzmetteri usynylǵan. Sóıtip, jyl aıaǵyna deıin jumyssyzdar sany-600, ózin-ózi eńbekpen qamtıtyndar-5000 adamǵa azaıyp, jaldamaly qyzmetkerler 3,5 myńǵa ulǵaıatyn bolady.
Jyl basynan beri 13 myń soltústikqazaqstandyq jumysqa ornalasyp, bala-shaǵa nápaqasyn aıyryp otyr.
О́mir Esqalı.
«Egemen Qazaqstan».
Soltústik Qazaqstan oblysy.
